Aug 1 & 2 nü Mopungchuket nung ango mesü tetoktepba ayonger

Mokokchung, Chiteni/July 27 (TYO): Tsüngremmung Hornbill Festival Mokokchung 2018 den külemi Mopungchuket Community Tourism Society-i ango mesü tetoktepba (angling competition) sentong ka August 1 & 2 anogo ana Süngkotenem Awatsüng Mopungchuket nung ayongzüka lir, ta osang ka ajanga metetdaktsü.
Iba atema ticket-ji Mokokchung Kichuchar Complex nung aliba ‘Outdoor’ dokan aser tetoktepba akaba tesem nunga angutsü.
Iba tetoktepba nung senpet sen ajak meyokteper 50,000/- asütsü. Tetoktepba nungji; ango tulutiba mesüteter nisung asem, ango teimtiba mesüteter aser seret teimtiba mesütetertem densema lir, aser nisung ka, senpet ka yayim nung iba tetoktepbaji akatsü.
Takokertemji anogo ananü agiba tetoktepba nung ajemdaker shimtsü. Tejangrartemi anogo ana atemaji senpak 500/- agi register asütsü. Ango mesür shia fishing rod ana aser food cage ka dang melatsü. Iba dak sentakba nung osang tejangjaba metetnüra iba mobile number 8837323230 nung ajatsü akok.