Aug 19 nü Mkg nung 6 buba Inter-School Beat Contest 2016 alitsü

Dimapur, August 17 (TYO) : August 19, 2016 nü Town Hall, Mokokchung nung 6 buba Inter-School Beat Contest 2016 alitsü.
Iba sentong ya Hill View Higher Secondary School Mokokchung nungi Students Welfare Society Alumni ajanga ayongzüker aser State BJP Executive Member, Nagaland Temjen Imna Along Longkumer-i tongti tesemdanger ama shilem agitsü.
Inter-school beat contest ya kümshia ayongzüker aser iba sentong ya Hill view Hr Sec School nung azünger Toshi Lemtur-i mezüng atonga tenzükba lir. Toshi Lemtur ta drummer ka lir aser pa Parikramma School of Music, Delhi nung training agi.
2011 küm Students Welfare Society alumni of Hill view Hr Sec School tentet aser parnoki lanur kaketshirtem nem sempet salatsü aser kenten ajungkettsü atema sabang lapoktsütsü nükjidong nung iba telok tentet.
Hill View Hr Sec School nung Alumni temi Mokokchung nung kenten meimertem ajak August 19 nü iba sentong nung arua adentsü pelashishia jaoker, ta Students Welfare Society, Hill View Hr Sec School Mokokchung-i sangdong ka nung metetdaktsü.