Aug. 28 nü PMKSY workshop agitsü

Kohima, August 23 (TYO): Ministry of Food Processing Industries (MoFPI), GoI-i Federation of Industries for North-East region (FINER) den ayongteper August 28, 2019 anepdang 10:00 ako nungi Capital Convention Centre, Kohima nung PMKSY Workshop ayongzüka agitsü; iba sentong ya Department of Industries & Commerce-i yaritepa ayongzüker, ta ketadangsertem osang ka ajanga metetdaktsü.
Iba workshop agiba nükjidong ya State Government Department, Industry associations, bankers, investors aser entrepreneurs/NGOs/Organizations/Institutions ama stakeholders ajak sabang ka nung longjema entrepreneurship ajungmesotsü aser North East Region nung PMKSY meteta kümdaktsütsü atema lir, koba ajanga PMKSY Scheme indang fund balala asoshi proposals aika angutsü, ta kasa osang ajanga metetdaktsü.