Aug 28 nü UNTABA Executive Committee aser Advisory Board senden alitsü

Dimapur, August 26 (TYO) : August 28, 2015 nikongtsütsü 1:00 ako nung United Naga Tribes Association on Border Areas (UNTABA) Executive Committee aser Advisory Board züngsemtem senden alitsü, ta UNTABA tongti tezülur Imsumongba Pongen-i sangdong ka nung metetdaktsü.

Iba senden nung Writ Petition agütsütsü aliba dak sendakba onüktem aser iba denji Supreme Court nung Assam-i Original Civil Suit benoka alibatem jembitsü. Anungji züngsem ajak medema arua adentsü mepishir, ta UNTABA tongti tezülurisa sangdong nung shia lir.