August 7, 2015 nü ‘Bangistan’ sayatsü

New Delhi, July 24 (Agencies) : Bollywood actor Riteish Deshmukh aser pa den külemi shilem agir Pulkit Samrat na indang film ‘Bangistan’ atema ashishitepa arur.

‘Bangistan’ indang film sholem ka mezüng sayaba sülen nungi nisungtemi ashishitepa arur.

Iba film ya Pakistan nungbo mesayudaktsütsü atema tenokdangba agütsüogo kechiyong iba film ya Muslim nunger anema lir.

Ajisüaka, Riteish-i Twitter ajanga iba film sayatsü anogo metetdaktsüogo.

Mezüngbo iba film ya July 31, 2015 nü sayatsü sentong liasü saka ibaji thinener August 7, 2015 nü ang sayatsü ta Riteish-i ashi.

‘Bangistan’ ya asayamenü aser tangar lutsüba film ka lir.