August nungi September ita tashi tzünglu junga arutsü: IMD

New Delhi, August 02 (Agencies): India linük tesem ajaklen tzüngluruwa mongpu tanabuba shilem (August nungi September ita tashi) nung tzünglu junga arutsü, ta Hombarnü Indian Meteorological department (IMD)-i metetdaktsü.

August ita nung tzünglu ‘normal’ arutsü- Long Period Average (LPA) shilem 94-106% arutsü, ta IMD Director General, Mrutyunjay Mahapatra-i metetdaktsü.

Hombarnü Video conferencing ajanga osangbenertem den jembidang Mahapatra-i, 1961 küm nungi 2010 küm tashi August nungi Septemper tsüngda küm shia linük nung tzünglu 428.3 mm arua liasü aser taküm August nungi September ita tashi nung tzünglu LPA shilem 95 nungi 105 arutsü imlar, ta ashi.

Taküm July ita nung India kübok station 567 nung tzünglu kanga (115.6 nungi 204.5 mm) arua liasü aser station 112 nung tzünglu kanga sashia (204.5 mm dak tema) arua liasü.