Australia Green-i Hopman Cup takok marok angu

Perth, January 09 (Agencies): Australia nunger Nick Kyrgios-i tebur rubber final asaya nung points 6-3 6-4 agi Ukraine nunger Alexandr Dolgopolov madak takok ngua par Australia Green teloki Hopman Cup asayamong takok marok agizüktsü jenjang tanü Honibar nü bener arutsüogo.
Külem sensotsür, Daria Gavrilova-ia tetsür singles rubber final asaya nung points 6-4 7-6 (8-6) ngua Ukraine tsür, Elina Svitolina tsükdaktsüba yong par Australia Green teloki points 2-0 agi temaba jenjang ngua tanü takok marokji agizük.
Taoba mapang, 1999 nung agizükba densema, Australia teloki tan agi Hopman Cup asayamong takok marok tanabuba agizüker lir.