Australia-i Champions Trophy takok marok agizükogo

London, June 18 (Agencies): Australia teloki goal 3-1 agi India telok madak final asaya koka 36 buba Hero Champions Trophy takok marok yashi, Hokolbar nü agizükogo.
Yashi final asaya nung telok anapronglai goal ka danga magütsüteti draw nung tembangba yong takoker shimtsü asoshi penalty asayatsüsa aküm.
Yashi penalty nung Aran Zalewski, Daniel Beale aser Simon Orchar nungeri goal takok ngua agütsüba ajanga par Australia teloki temaba jenjang ngua liasü.
Ajisüaka, Harmanpreet Singh-i goal takok ngua agütsüba dak alaka, külem asayar, SK Uthappa, SV Sunil aser Surender Kumar nungeri goal magütsütetba yong par India teloki goal 1-3 agi tamakok ngua liasü.
Tan agi Champions Trophy takokba 14 ben tashi agizüker telok, Australia-i final akokba sülen gold agizük aser tan mezüngsüa Champions Trophy final asayatsü jenjang angur, India teloki tamakok anguba yong silver medal ang agizüka liasü.