Australia-i Ireland akok

Benoni, September 27 (Agencies): Steve Smith aser Usman Khawaja nati century yangluba ajanga par Australia teloki wicket 9 agiIreland madak takok ngua, par one-off One-Day International (ODI) asaya tanü, Mongolbar nü asayaogo.

Ireland teloki mezüng batting asü saka par telok asayar ajunga asayadak temai tuguba mapang tashi nung par teloki ajak agi runs 198 dang yanglua liasü.

Leg-break bowler, Adam Zampa-i runs 37 agüja wicket 3 agia kanga junga asayaba den külemi, Smith-i runs 59 aser Khawaja-i runs 82 agiba densema, par Australia teloki overs 20 tashi anünga aliba mapang nung runs 199 yanglua tanü asaya kokadok.

Tanü asaya nung Australia teloki par bowler, arishi küm 25 tain Daniel Worrall nem tan mezüngsüa ODI asaya nung shilem agidaktsü aser pai overs 10 nung runs 43 agüja, wicket 1 agia kanga meranga asaya.

Australia teloki tan Hokolbar nü nungi tenzüka South Africa telok den asaya 5 densemba ODI series S Africa kübok Centurion nung asayatsü renema lir.