Australia-i U-19 World Cup nung shilem magitsü lemteter

Brisbane, January 05 (Agencies): Lendong tsüngdong ajurutsü tsüboba onük nung ajemdaker Cricket Australia (CA)-i Under-19 Cricket World Cup asayamong nung shilem magitsü lemtetba osang ka tanü Mongolbar nü metetdaktsüogo.
International Cricket Council (ICC)-i ketdangsüa U-19 World Cup ya tan January ita 27 nü nungi tenzüka Bangladesh nung asayatsü ayonga lir.
“Ozü asayar aser asaya ketdangser takümtem lendongi aitsü osang angazükba yong ozü U-19 telok World Cup asayamong nung shilem magitsü lemtetogo,” ta CA lenisang, James Sutherland-i osang jangjashitsü.
Yaküm October ita Kuala Lumpur nung agiba qualifying asaya nung tanabuba jenjang angur telok, Ireland-i Australia melenzüka iba asayamong nung shilem agitsü renemogo.