Australia nung kenten sentong ayongtsü sentong lir: Adele

Los Angeles, July 07 (Agencies): Nungtugu kentener, Adele-i Australia semdanga idakji kenten sentong ayonga agitsü sentong renemba osang ka metetdaktsüogo.
Lai tan Mongolbar nü nungi tenzüka, Minnesota kübok St Paul nung 2016 küm asoshi US tesem balala semdanga kenten sentongtem ayonga agitsü mapatong tenzüka liasü.
‘Hello’ hit ken atenla, Adele sapur tetsür kati lar kenten sentong nung adentsü asoshi Australia nungi America tonga aoba osang angazükba sülen Adele-i lar kenten sabang toktsür tetsürla denji ajurutepa la dak apangitba osang ka Entertainment Weekly.com-ia metetdaktsü.
“Ni Australia semdanga idakji kenten sentongtem ayonga agitsü sentong lir. Ni Sydney yimti nung agiba kenten sentong nunga arua adentsü ajungshir,” ta arishi küm 28 tain Adele-i la pusemla den lemsatepa liasü.