Australia nung robot nem mapa aika inyakdaktsür

Sydney, August 17 (Agencies): Australia nung robot tem nem süngjanglija o süngolemba aseptsü aser timi ayutsü mapa inyakdaktsür.

Item robot tem yagi nisung den külemi mapa tasak/tongtibang aika inyaker aser ibaji ajanga nisung anisüngzükdaktsür, ta Hombar nü Australia Broadcasting Corporation-i ashiba Xinhua osang ajanga metetdaktsü.

Item robot ya ‘auto control system’ nung engineer, Andrew Taylor-i design asüba lir.

Pai item robot ya tebensang ka amai lir ta rasaa ashi, koba ajanga oset bena aruteter aser jungjunga yuteter.

Iba robot yagi nisung den külemi inyakteter. Tamalen yangluba robot tulutembo nisüng anasa inyakdaktsütsübaji tetsübutsü ka liasü.

Taylor-i strawberry asepba robot ka yanglutsü sentonga rasaa shia liasü.

Robot amshitsü atema training agitsü nüngdaker aser aji nisungtem asoshi kanga tezüdangtsü mapa lir, saka robot temi anogoshi ghonda 24 inyakba ajanga ajak ajangzüktsü,” ta Taylor-i shisem.