Australia nunger Cricket asayar Shane Watson Test cricket asaya nungi anisüngzükogo

Cricket asaya nung ajak asayatetsang (Bating & Bowling) Australia nunger Cricket asayar mongin Shane Watson-i International Test cricket asaya nungi anisüngzükogo ta Sept. 7, 2015 nü Cricket Australia official website ajanga metetdaktsüogo.
England o Australia na ‘Ashes’ asayaji Watson atema tatempangbuba test asaya ka liasü, iba asaya nungji England-i 169 run agi Australia akok aser tia maka Watson-i iba asaya nungji runs 30 dang yanglutet aser wicket-a ka danga magitet-i tempangogo.
Watson-i International Test asaya nung dang asayar masü ano One Day International (ODI) aser T20 cricket nunga shilem agia arudagi. Pai teka achiji agi bat amer aser ball aonba yimya ji ‘fast medium bowler’ nung aoner. Watson-i mezüngbuba Australia linük tenüng nung 2002 küm nungi asaya tenzük, iba ODI asayaji South Africa den asaya. 2010 aser 2011 küm pai ‘Allan Border Medal’ agizük.
Test asaya nung yamai : Pai Test asaya 59 ben asaya aser iba nungji 3,731 runs nguteta asaya. Test asaya nung runs timtiba yanglubaji 176 liasü, 5,495 ball aondang wicket 75 agi.
ODI asaya nung yamai: Watson-i tang tashi One Day International (ODI) asaya nunga 190-ben tashi asaya, iba asaya nungji 5,718 run yanglu. ODI asayanungji pai runs timtiba yanglubaji 185 (not out) liasü. Idangji ball 6,406 tashi aon aser wicket 168 ngutet.
T20s asaya nung yamai : Watson-i T20s asaya nung 48-b asaya, iba asaya nungji run 1,156 yanglu. T20s asaya nung runs timtiba angubaji run 81 aser kasa asaya nungji ball 756 aon aser wicket 39 agia liasü. Watson-i ODI aser T20s asaya anaprongla joko talangka masayatettsü ta kasa osang ajangasa angazüker.