Australia PM Morrison-i India semdangtsü

New Delhi/Melbourne, October 04 (Agencies): Australia Ato kilonser, Scott Morrison-i, pai sangküm January ita nung India semdangtsü, aser iba ya par linüki India den partnerships tajung ayuba temaitsü lir, ta metetdaktsü.
Morrison-i, Ato kilonser, Narendra Modi-i jaokba nung ajemdaker pai Quad strategic bloc nung partner linük, India semdangtsü, ta ashi.
Tanü Sydney nung aliba Lowy Institute nung jembidang pai, “Sangküm January ita nung India semdangtsü atema kü tembar Ato kilonser Modi-i jaokba atema ni pelar. Iba mapang nung ni Raisina Dialogue nunga jembitsü,” ta ashi.
Morrison-isa, Australia aser regional kiyonger linük 15-i regional free trade, Regional Comprehensive Economic Partnership tezüngzüktep agitsü imlar, ta ashi.
“ASEAN partners aser region nung tanga linüktemi Regional Comprehensive Economic Partnership tezüngzüktep agitsü imlar. Linük 16 senteper nütsüng billion 3.5 lir aser GDP US sen billion 25.7 lir,” ta pai ashi.
“Iba ama tongtibang tezüngzüktep agiba ajanga Indo-Pacific economy nung India atsüer arutettsü. Asen region nung India-i takok kanga ngudar aser India ya Australia partner ka lir,” ta paisa ashi.
Australia sorkari Quad linüktem- US, Australia, India aser Japan den külemi inyaksemner, ta pai ashi.
2017 küm November ita nung India, US, Australia aser Japan-i “Quad” tentet aser iba ya Indo-Pacific tzüyim nung tongtibang lenmang atema asalentong tasen yanglutsü asoshi lir.
Indo-Pacific region nung Indian Ocean aser South China Sea densema western & central Pacific Ocean densema lir.