Australia teloki ODI Series kokogo

Melbourne, December 09 (Agencies): Opener, David Warner-i century yangluba den külem asayar, Mitchell Starc-i wicket 3 tashi agia, kanga junga asayaba ajanga par Australia teloki tatembangba asaya koka, New Zealand den asayaba One-Day International (ODI) Series tanü, Hokolbar nü kokogo.
Tanü 3 buba ODI asaya nung Australia teloki runs 117 agi takok ngua, tan series nung asaya asemprongla akoker küma, takokbaji angu.
Australia vice-captain, Warner-i ball 128 nung runs 156 yanglua tan series asaya nung 2 buba century yanglur aküm.
Pai tan century 2 tashi yangluba densema, Warner-i taküm, 2016 küm tenzüker tanü tashi nung century 7 buba aser ajak agi ODI century 11 tashi yanglur batsman kümogo.
Starc-ia N Zealand batsman-tem – Henry Nicholls, Colin Munro aser Mitchell Santner nunger asayadak nungi tugudakja kanga junga asayaba ajanga N Zealand wicket ajunga overs 36.1 nung laodakja, par telok nem runs 147 dang yangludaktsü.
Asaya 3 nung runs 299 yanglua kanga junga asayasang, Warner-i tanü asaya nung Man of the Match sempet agizüka liasü.