Australia tsür ka tashiyim agi raksatsüba tebur pua lir

Rome, October 6 (Agencies): Australia tsür ka tashiyim agi raksatsür auyaba dak sentakba nung Brihostibarnü Police-i Italy nunger Rome nung ki mali nemzür ka pua lir.
Police-i iba nisung ya Rome aser Lazio jila na tsüngda senzüba train ka nung pua pai Deobarnü Colosseum park anasa Australia tsürla dak tashiyim mapa inyaker la ket nungi auyaba Australia sen aser sentiosettem ngutetogo.
Arishi küm 40 tain tebur ya tetsür tashiyim agi raksatsüba, auyaba aser tangar yirutsüba ken o nung apu.
Pa ya Deobar aonung sangwa Termini central rail station anasa mejangba bar ka kima yuja aliba security camera ajanga putet.
Iba tetsür jagi la dak tashiyim mapa inyak asü meinyakar mejangja ta police dang ashi, ajisüaka San Giovanni hospital, Rome nung inyaker doctor temi la dak tashiyim mapa inyakogo ta osang tejangja agütsüogo.
La tejak aser temera nung yiruba zübu lir, ta doctor temi ashi.
La dak tejak nung tsüngoktsür la indang mobile aser sen juli auyaba bilemteter ta lai ashiba police-i metetdaktsü.
La yamaji okronga aliba mapang süisüponger kati la kümzüka anasa aliba San Giovanni mozü kidangi anir oa la dak aliba zübutem anepalu.