Australian Gala nung Dangal Best Asian Film award angu

December 7, 2017 : Bollywood nung nüngtugu actor Aamir Khan-i tongti shilem agiba Dangal film ya, 7buba Australian Academy of Cinema & Television Arts (AACTA) Awards nung Best Asian Film award nguogo.
Actress tejen, Shabana Azmi iba sentong nung tetendanger rongnung densema liasü, lai yamai tweed asü: “AACTA nung ‘Dangal’-i Best Asian Film koktetogo. Team Dangal nem tenüngsang agütsür.”
AACTA nung tetendangertem rongnung tongtibaji actor Russell Crowe liasü.
Maneni Shabana, Crowe den külemi tangokba noksa ka lemsatepba den yamai zülutsü: “Iba telemtetba ya ajaki melunga agizük.”
Dangal film ya Nitesh Tiwari-i direct asü aser iba ya sports drama film ka lir.
Iba film ya Phogat’er kinungertemi ajungmesoba film ka lir aser iba film nung Mahavir Singh Phogat-i pa jala Geeta aser Babita na India tsürtem rongnungi mezüngbuba world-class female wrestlers küma sayutetba indang otsü ashir.
Iba film nung Fatima Sana Shaikh, Sanya Malhotra, Zaira Wasim, Sakshi Tanwar aser Suhani Bhatnagar nungeria tongti shilem agir.
Actor Anupam Kher-a iba sentong nung shilem agia liasü.
Dangal film-i tang tashi nung alima ajunga nung sen crore 1756 aazüka lir, aser iba film ajangsa otsü tasen aika yanglutetogo.