Australian Open 2017: Nadal-i Dmitrov kokogo

Melbourne, January 27 (Agencies): Grand slam 14 ben koka alisang Rafael Nadal-i Rod Laver Arena nung Bulgaria nunger Grigor Dmitrov madak semifinal asaya nung takok ngua final tongogo.
Nadal-i Dmitrov 6-3, 5-7, 7-6, 6-7, 7-6 agi akok. Iba asaya kanga toktepa gondha 4 dak tali asaya. Deobarnü Final asaya nung Roger federer aser Nadal na asayatsü.
2011 küm French Open nung final asayaba sülen, grand slam final nung Nadal aser Federer na tang mezüng asayatsü.
“Roger Federer künaprongla atema grand slam final asayatsü ya maongka tulu,” ta Nadal-i asaya temer ashi.
Nadal-i Deobarnü Federer kokra pai Pete Sampras-i grand slam 14 koka aliba ajangtettsü, aser Federer sülen grand slam timtiba akoker rongnung tanabuba asütsü.
Sania Mirza aser Ivan Dodig nati Samantha Stosur aser Sam Groth kokogo
Hokolbarnü mixed tarep asaya nung Sania Mirza aser Ivan Dodig nati Samantha Stosur aser Sam Groth na koka final-i iogo.
Sania aser Dodig nati 6-4 2-6 10-5 agi gondha ka ser minute ter ser ti nung iba asaya akok.
Sania aser Dodig na Elina Svitolina-Chris Guccione aser Abigail Spears-Juan Sebastian Cabal semifinal akoker den final asayatsü.
Rohan Bopanna, Leander Paes, Purav Raja, Divij Sharan aser juniors Zeel Desai aser Siddhant Banthia nunger ajak asayamung nungi tuguba sülen India nunger asayar rongnungi Sania ang anünga lir.