Australian Open 2017 : Serena-i akok, Steffi Graf otsü yanglushiogo

Melbourne, January 28 (Agencies): Rod Laver Arena nung 2017 Australian Open Womens Final, Honibarnü asayaba nung Serena Williams-i teyi Venus Williams madak 6-4, 6-4 agi takok angu.
World No 2, Serena-i ghonda ka sür minute metsür ana nung teyi Venus madak takok ngua Australian Open takok marok tenetbenbuba agizük. Iba takok ajanga, 1987 nungi tenzüka asayaba nung Steffi Graf-i Grand Slam 22 ben akokba otsü, Serena-i ajangtetogo.
Serena-i Grand Slam ka dang angu nungbo, asayar tejen Margaret Court-i tennis asayaba otsü nung yanglua aliba meneptsü.
“Venus aliba ajanga ni Grand Slam 23 ya angur,” ta Serena-i asaya temer ashi.
“Nai akokba ajunga ya ni akokba amai bilemer,” ta Venus-ia tenu Serena dang ashi.
Tena tsüngda menzüngbuba set, mapang minute 41 agia asaya aser iba set nung Serena-i 6-4 agi akok. Tanabuba set nung Serena-i service kanga junga aoba ajanga points aika ngua, teyi Venus madak takok angu.
Serena tetong Alexis Ohanian-a iba asaya arua reprang.