Australian Open: Djokovic o Federer na semi nung ajuruteptsü akok

Melbourne, January 15 (Agencies): Taküm küm asayatsü ayongba mezüngbuba Grand Slam asayamong, Australian Open nung shilem agitsü draw sentong tanü Hokolbar nü agiogo.

Defending champion & World No. 1, Novak Djokovic-i Switzerland nunger tennis asayar mongin, Roger Federer den semifinal nung ajuruteptsüsa asayatsüren lemzükba osang jangjaogo.

Australian Open takok marok 5 agizükba densema, Grand Slam takok marok 10 tashi agizüksang, Serbia nungerDjokovic-i Japan nunger Kei Nishikori den quarterfinal nung ajurutepba sülen Federer den semifinal nung ajuruteptsü akok.

Taoba mapang Grand Slam takok marok 17 tashi agizüksang, Federer-ia Czech Republic nunger Tomas Berdych den quarterfinal nung ajuruteptsüsa asayatsüren lemzükogo.

Yaküm, 2015 küm takok marok 11 tashi agizüksang, Djokovic-i par mezüngbuba asaya South Korea nunger Hyeon Chung den asayatsü lemzüka lir.

2016 Australian Open asayamong ya tan January ita 18-31 nü tashi asayatsü ayonga lir.

You must be logged in to post a comment Login