Australian Open: Djokovic o Serena na semifinal-i iogo

Melbourne, January 26 (Agencies): Defending champions, Novak Djokovic aser Serena Williams nati pei quarterfinal asaya nung takok ngua tang tasayadak Australian Open asayamong semifinal asayatsü jenjang tanü Mongolbar nü nguogo.
Tebur World No. 1, Djokovic-i tanü points 6-3 6-2 6-4 ngua Japan nunger Kei Nishikori tebur singles quarterfinal asaya nung tsükdaktsü.
Tetsür World No.1, Serena-ia tanü points 6-4 6-1 ngua Russia tsür, Maria Sharapova madak quarterfinal asaya ayong ayonga akok.
Serbia nunger Djokovic-i Switzerland nunger Roger Federer den semifinal nung ajuruteptsü aser America tsür, Serena-i Poland tsür, Agnieszka Radwanska den semifinal asayatsü lemzükogo.
Taoba mapang Grand Slam takok marok 17 tashi agizüksang, Federer-ia tanü points 7-6(4) 6-2 6-4 ngua Czech Republic nunger Tomas Berdych quarterfinal asaya nung tsükdaktsü.
Tan asayamong nung 4 buba jenjang abenla, Radwanska-ia points 6-1 6-3 agi Spain tsür, Carla Suarez Navarro tsükdakja semifinal-i ai.
Ano külen, India tsür, Sania Mirza aser Switzerland tsür, Martina Hingis nati Germany tsür, Anna-Lena Groenefeld aser America tsür, Coco Vandeweghe na quarterfinal asaya nung tsükdakja tetsür doubles semifinal-i tanü iogo.
Mirza o Hingis nati tanü points 6-2 4-6 6-1 ngua Groenefeld o Vandeweghe na madak takok anguba sülen tan agi asaya 34 buba akoker aküm.
Tetsür doubles World No.1, Mirza o Hingis nati Germany tsür, Julia Goerges aser Czech Republic tsür, Karolina Pliskova na den semifinal nung ajuruteptsü.
Tesüiba tetsür singles World No.1, arishi küm 35 tain Hingis aser India nunger Leander Paes nati mixed doubles shilem nunga takok ngua asayaba sülen Mirza aser Croatia nunger Ivan Dodig na den quarterfinal asayatsü jenjang nguogo.