Melbourne, January 18 (Agencies): Defending champions, Novak Djokovic aser Serena Williams nati 1 buba round asaya koka 2016 Australian Open asayamong nung shilem agi tenzükogo.
Serbia nunger Djokovic-i points 6-3, 6-2, 6-4 ngua South Korea nunger Chung Hyeon tsükdakja 2 buba round-i ai aser America tsür, Serena-ia points points 6-4, 7-5 ngua Italy tsür, Camila Giorgi madak takok ngua 2 buba round asayatsü jenjang angu.
Tebur aser tetsür World No. 1, Djokovic o Serena napronglai yaküm 2015 küm tongti asayamong takok marok 4 tashi agizüka kanga junga shilem agia liasü.
Tan asayamong tenzüktsü ghonda ishika tejaklen sen tajangzük angutsü atema tang asayar tarensen temaba 50 nung alir asayar 16-i küm 10 tejaklen nungi tenzüka pei asaya nung metetsümonga tamakok anguba osang adoka makmakshimakba osanga jangjaogo.
Ajisüaka, ATP, WTA, Grand Slam Board aser International Tennis Federation (ITF) ketdang asüba Tennis Integrity Unit (TIU) lenisang, Nigel Willerton-i oshimashi inyakba osangji olulu dang lir ta metetdaktsüogo.
You must be logged in to post a comment Login