Australian Open: Federer, Djokovic, Wawrinka nunger tanabuba roundi iogo

Melbourne , Aenjeti 16 (Agencies): Sangtennü (Mongolbar) Defending Champion Roger Federer-i Australian Open mezüngbuba roung nung Aljaz Bedene madak takok ngua tanabuba round-i iogo. Pai Aljaz Bedene straight sets nung akok.
World no.2 Federer-i tanü asaya 6-3, 6-4, 6-3 agi ghonda 1 sür minute 39 nung Aljaz madak takok angu. Pa taruba asaya Germany nunger asayar Jan-Lennard Struff den asayatsü.
“Ni tennis jangratema asayadar aser ni ano tatsükabo asayatsü imlar,” ta pai ashi.
Teburtem kicha asaya nung maneni Novak Djokovic-i 6-1, 6-2, 6-4 agi Donald Young madak takok nguogo. Djokovic tekatsüla yiruba ajanga yaküm Wimbledon nung asayaba sülenbo ATP World Tour ka nung danga shilem magi.
Djokovic den külemi 2014 champion Stan Wawrinka-a tanabuba round tongtetogo. Pai 6-3, 6-4, 2-6, 7-6 agi Ricardas Berankis madak takok angu.