Australian Open: Mirza o Hingis na 2 buba round-i iogo

Switzerland tsür, Martina Hingis (Achiji) aser India tsür, Sania Mirza nati tang tasayadak Australian Open tetsür doubles asaya nung asayamenua shilem agiba noksa ka yangi angur. (Melbourne, January 21)
Switzerland tsür, Martina Hingis (Achiji) aser India tsür, Sania Mirza nati tang tasayadak Australian Open tetsür doubles asaya nung asayamenua shilem agiba noksa ka yangi angur. (Melbourne, January 21)

Melbourne, January 21 (Agencies): India tsür, Sania Mirza aser Switzerland tsür, Martina Hingis nati takok ngua tang tasayadak Australian Open asayamong tetsür doubles shilem indang tanabuba round asayatsü jenjang tanü Brehostibar nü ajangzükogo.
Tetsür doubles nung World No. 1, Mirza o Hingis nati tanü minute 70 nung points 6-2, 6-3 ngua Colombia tsür, Duque-Marino aser Brazil tsür, Teliana Pereira na mezüngbuba round nung tsükdaktsü.
Tan takok anguba ya Mirza o Hingis nati asaya 31 buba atonga akoker lir.
Mirza o Hingis nati Ukraine tsür, adianu Nadiia Kichenok o Lyudmyla Kichenok na den tanabuba round asayatsü lemzükogo.
Mirza o Hingis nati taoba hopta Sydney International asayamong tetsür doubles takok marok agizüka tenati aroki lungjemer asayatsü tenzükba sülen WTA takok marok 11 buba atonga agizüker aküm.
India nunger Rohan Bopanna aser Romania nunger Florin Mergea natia points 7-5 6-3 ngua Australia nunger Omar Jasika o Nick Kyrgois na tebur doubles shilem indang mezüngbuba round nung tsükdaktsüba osang jangjaogo.
Tenati tan asayamong nung 4 buba jenjang nung alir, Czech Republic nunger Lukas Dlouhy o Jiri Vesely na den tanabuba round nung ajuruteptsü.

You must be logged in to post a comment Login