Australian Open: Mirza tetsür & mixed doubles prequarterfinal-i iogo

Melbourne, January 23 (Agencies): India’er tetsür tennis asayar mongin, Sania Mirza-i tang tasayadak Australian Open asayamong tetsür doubles aser mixed doubles shilem indang prequarterfinal asayatsü jenjang tanü Honibar nü ajangzükogo.
Tetsür doubles World No. 1, Mirza aser Switzerland tsür, Martina Hingis nati points 6-2 6-3 ngua Ukraine tsür, Lyudmyla Kichenok o Nadiia Kichenok na tsükdakja tetsür doubles shilem indang prequarterfinal asayatsü jenjang angu.
Tan asayamong nung temaba jenjang abener, Mirza o Hingis nati Russia tsür, Svetlana Kuznetsova aser Italy tsür, Roberta Vinci na den prequarterfinal nung ajuruteptsü.
Mixed doubles shilem nunga Mirza aser Croatia nunger Ivan Dodig nati tanü points 7-5 6-1 ngua Australia asayar, Ajla Tomljanovic o Nick Kyrgios na madak takok ngua prequarter-i aitsü jenjang ajangzük.
Mirza o Dodig nati Kazakhstan tsür, Yaroslava Shvedova aser Pakistan nunger Aisam-Ul-Haq Qureshi na den prequarterfinal nung ajuruteptsü.
Ano külen, Switzerland nunger Stanislas Warinka-ia Czech Republic nunger Lukas Rosol madak takok ngua tebur singles 4 buba round asayatsü jenjang tanü nguogo.
Tebur World No. 4, Wawrinka-i tanü ghonda 2 shi nung points 6-2, 6-3, 7-6 (7/3) ngua 51 buba jenjang nung alisang, Rosol 3 buba round nung tsükdaktsü.
Wawrinka-i Canada nunger Milos Raonic den 4 buba round taruba Hombar nü asayatsü lemzükogo.
Tanü ace 18 tashi yanglua takok anguba ya Wawrinka-i tour asaya 400 buba akoker lir.