Australian PM Turnbull-i China amokmerener

Singapore, June 3 (Agencies): China-i temeket aliba linüktem madak tashiyim amshira, linük tilatem longjemer China anema nokdaktsü, ta Singapore nung sentong ka nung jembidang Australia Prime Minister Malcolm Turnbull-i ashi.
Hokolbar nikongdang Shangri La security summit nung okila jembidang, Turnbull-i “Australia aser Singapore ama linüktemji tila saka onok indang sovereignty metsüngareta ameta lir” ta metetdaktsü.
Korean peninsula aser South China Sea nung mangatettep ken o tem adoka aliba atema jembidang Turnbull-i “asen tesem nung ozüng kübok aliba aser linük tila aser tulutem indang sovereignty akhümtsübuba ajanga yimjung alitsü” ta ashi.
China-i North Korea azüoktsü atema mapa inyaktsüla aser iba jagi tanga linüktemi China dak temulung alemtsü. South China Sea nung China-i asetkong yangluba mapa anentsüla. Tangar litsü atsüngbanga agitsüba mesüra mangatettep aliba tesemtem nung mitkar ayuba inyakyim masü saka amalitepa ken o tem angatetteptsüla, ta paisa shisem.
“China-i tashiyim amshira, kidangsüa aliba linüktem longjemer anema apusotsü” ta Turnbull-isa amokmerena jembi.