Austria Tir, Fischer-i Iran semdanger

Vienna, September 07 (Agencies): Austria Tir, Heinz Fischer-i Iran tanü Hombar nü bushia aoba osang ka par ketdangsertemi metetdaktsüogo.

Alima tashi abenba linük aser Iran na tsüngda nuclear tezüngzüktep agir ita 2 süir sülen Fischer-i tan semdangba ya Europe nung tentetba linük nung Tir kati 2004 küm sülen tan mezüngsüa Iran semdanger lir.

Fischer-i Iran anogo 3 agia semdangdang pai Iran Supreme Leader, Ayatollah Ali Khamenei, Tir Hassan Rouhani aser Foreign Minister, Mohamad Jawad Zarif nunger den ajuruteptsü sentong renema lir.

Ano, Fischer-i Iranian-Austrian Economic Conference senden nunga shilem agitsü sentong renemba osang jangjaogo.

Fischer-i pa den külemi Austria Vice-Chancellor, Reinhold Mittelehner; Foreign Minister, Sebastian Kurz aser rongsenren mongintem anir Iran bushia aoba osanga jangjaogo.

Taoba Austria Tir, Thomas Klestil-i taoba mapang, 2004 küm January ita semdangba sülenbo Fischer ya Iran semdanger mezüngbuba Austria Tir akümer lir.