December 22, 2018 nü Molungkimong nung Nagaland chief minister Neiphiu Rio-i First Baptistry Annexe lapoktsüdang agiba noksa angur. Dimapur, Luchii (December) 22 (TYO): December 22 ya Nagaland atema tongtipang anogo ka lir kechiyong 1872 küm iba anogo nung Nagaland nung mezüngbuba Baptist arogo Molungkimong nung tenzük. Rev. Dr. E. W. Clark-i nisung 15 tzüsenba ajanga iba […]
December 22, 2018 nü Molungkimong nung Nagaland chief minister Neiphiu Rio-i First Baptistry Annexe lapoktsüdang agiba noksa angur. Dimapur, Luchii (December) 22 (TYO): December 22 ya Nagaland atema tongtipang anogo ka lir kechiyong 1872 küm iba anogo nung Nagaland nung mezüngbuba Baptist arogo Molungkimong nung tenzük. Rev. Dr. E. W. Clark-i nisung 15 tzüsenba ajanga […]
Tir Yimyim nung inyakertem December 23, 2018 nungi January 01, 2019 tashi Khristmas aser Küm Tasen sodi agir, anungji 24th December, 2018 nungi 2nd January, 2019 tashi Tir Yimyim mangutsü. Küm piyong yaritepa aser ajungshitepa aruba asoshi tazüngertem ajak dang pelar aser Khristmas aser 2019 Küm tasen salem agütsür. – Yimozülur, Tir Yimyim.
Noida (UP), Luchii (December) 22 (Agencies): Hokolbarnü Noida police-i taila call centre ka nungi nisung 126 tashi apu. Parnoki US sensotem amokmerena tashiyim agi sen meshiba atema tai tonglokja apu. Brihostibar aonung tesü police-i Nodia nung aliba call centre ka mita ao. Idangji tetsürtem dena operators aser callers apu aser police-i computer systems den sen […]
New Delhi, Luchii (December) 22 (Agencies): Centre-i Ishan Vikas aser Ishan Uday scheme tem kübok Northeast nungi kaketshir 68,207 atema sen crore 309.95 agütsüogo. Scheme ana ya Northeast state nungi kaketshirtemi science, technology, engineering aser mathematics azüngtsü atema lir. Scheme ajangasa tongtipang rejutem nung azüngba engineering college kaketshirtem nem internship agütsütsü teyari agütsür. Lok Sabha […]
Dimapur, Luchii (December) 22 (TYO): Asenoki asen Kibur aser Kümtetdakba Yisu Khrista asoba atema benjungdang, iba Khristmas ajanga asenok chichiba Khristan ka ka akümtsü aser Yisu agizüka asen tamang akangshidi, ta NPCC-i metetdaktsü. Iba benjung ya tetezü aketba benjung ka südaktsüdi, koba ajanga asen sobaliba tajungji tangar asoshi tatishitsü südaktsüdi, ta parnokisa ashi. Maneni, taküm […]
Dimapur, Luchii (December) 22 (TYO): Peoples Liberation Army (PLA) nungi ketdangser 12-i December 21-22 anogotem Headquarters Eastern Command, Kolkata semdang. PLA teshimtet telok nung lennirji Maj General Deng Zhiping, Deputy Chief of Staff, Western Theatre Command liasü aser pa den Defence Attache o Assistant Defence Attache of China in India na aru. Anogo ka piyong […]
New Delhi, Luchii (December) 22 (Agencies): Centre sorkar anema aluyimertemi lungkak aitba sülen linük nung reju balala nungi kaketshirtemi New Delhi nung sorkar anema lungkak aittsü. Kaketshirtemi Chattra Yuva Adhikar March kübok centre sorkar indang “anti-education” policy tem anema lungkak aittsü sentong lir. Narendra Modi-i aniba sorkari “anti-education, anti-youth policies” yangluogo aser taküm October ita […]
Dimapur, Luchii/December 22 (TYO): Tang tasayadak Ranji trophy Plate Group-D nung tanü nungi tenzüka Mainul Hoq Stadium, Patna nung Bihar o Nagaland na asayadaki. Asaya mezüngbuba anogo nung Nagaland team-i Bihar team run 150 dang yangludaktsür ajak out sütsü. Asaya nung mapang ka nungbo Bihar team wicket 9 our sür run 85 dang yanglur liasü […]
Imphal, Luchii/December 22 (Agencies): Lanurtem nem teyari agütsütsü asoshi Tata Trusts puri Northeast nung world class football training aser terenlok atema maongka agütsütsü asoshi sentong lir. Tata Trusts outreach program ya linük nung football ajungketba sentong tulutiba rongnung ka lir aser iba sentong ya northeast nung lanur football asayartem atema lir aser talisa Manipur, Mizoram […]