Nagaland nung joko hopta ana dak tali government office melapoktetter aser government gari mesenzütetter. Ibaji dang masü saka kenbo nübortemi Kohima nungbo police-tema dena mesenzüdaktsüi nokdangogo. Aji oda, chief ministeri anir yimsüsürtem kecha mapa maka kümogo aser Chief secretary-i anir government tenzükertema pei kidang peisasa puoka yur kazüteper amato kümogo. Iba ama tensa mapang kümzüktsü […]
Dimapur/Mokokchung, February 17 (TYO) : T.R. Zeliang-i Chief Minister menden metoktsü tashi mokdangba maneni alitsü, ta JCC-i Hokolbarnü sangdong ka nung metetdaktsüogo. Public atema lenji oa February 18, 2017 nungi anepdang 9:00 ako nungi nikongdang 3:00 ako tashi dang mokdangtsü aser Kin teloktemi pei pei district aser telongtet nung mokdang maneni alitsü metetdaktsür, ta Media […]
Dimapur, February 17 (TYO) : Hokolbarnü State Banquet Hall, Kohima nung Sorkar aser NGO tem tsüngda Goodwill Meeting ka amen aser iba nung kin balala nungi MLA 14 den Angami Public Organisation President-i anir züngsem asem telok ka aden. Dr. Vilhousa Seleyi-i ashiba agi, parnok APO tenüng nung masü saka parnoki kija tenüng nung tanü […]
Dimapur, February 17 (TYO) : Hokolbar nikongtsütsü 5:00 ako meta Dhobinalla tesem nung injang kahdok ta olulu kar jembiba sülen nisungtem taoksa nung jenshi aser dokan kiburtemia dokantem shibanga liasü. JCC-i ayongba mokdang nikongtsütsü 4:00 ako nung tembangba sülen, shishilembartem dokantem lapoker shishilembatsü tenzük, saka taonung 5:00 ako meta GS Road, MP Road aser Deluxe […]
Kohima, February 17 (TYO): Dr. Shurhozelie Liezietsu nem Nagaland chief minister inyakdaktsütsü nungitertemi tanü Nagaland Angh, P.B. Acharya nem tezüluba ka agütsüogo, ta osang angazüker. Ajisüaka, tang P.B. Acharya New Delhi nung oa aliba ajanga tezülubaji Raj Bhavan office ket nung agütsü ta osang ajangasa shisem. Dr. Liezietsu pusema nungitba MLA temi tanü Chief Minister […]
Dimapur, Feb.17 (TYO) : NSCN ‘U’ telok nungi nisung ana tenüng agi Major Tongpangyungtang (Tsurmen) aser Merentoshi RAO (Yimjenkimong) na NSCN-IM nung denogo ta tenati sangdong ka nung metetdaktsüogo. Tena NSCN-IM nung adenba ya Major Imkong ajanga tongtepratepa inyakba ama Hevuto Battalion nungi Naga army-tem Saring yim tonga aru saka tesasatsüka onok atongtsüba tesem matongdang […]
New Delhi, February 17 (Agencies): Pensioner lakh 50 dak temai parnok pension account aser Aadhaar sendakteptsü atema retirement fund tentet, EPFO-i March 31 nü tashi mapang atsülangtsüogo. Taküm January ita nung Employees’ Provident Fund Organisation (EPFO)-i Jeevan Pramaan Patra programme ajanga pensioner temi digital certificates agütsütsü atema February 28 nü tashi mapang agüja liasü. Iba […]
Colombo, February 17 (Agencies) : Hokolbarnü Nondescripts Cricket Club nung ICC Women’s World Cup qualifying match nung India tsür cricket team-i Bangladesh team wickets 9 agi koka England nung June 24, 2017 nü nungi tenzüka asayatsü aliba ICC women’s World Cup 2017 nung asayatsü jenjang ngutetogo. ICC women’s World Cup qualifier mapang Mithali Raj-i aniba […]
Madrid, February 17 (Agencies) : 2026 Football World Cup asayamung linük pezü lokteper ayonga amung nung ajungtsü, ta Brihostibarnü FIFA Tir, Gianni Infantino-i ashi. Pai, iba asayamung lokteper ayongnertemi application agütsüba onoki agizüktsü, ta shisem. “Onoki World Cup asayamung linük kar lokteper ayongtsü ajungmesoba ya kechiba süra asenoki FIFA dang asenok tebilemba tajung nung inyakba […]
Kochi, February 17 (Agencies) : Tang Supreme Court-i Indian cricket board asoshi shimtsüba Committee of Administrators (COA) nung tekolakba aser taoba mapang Comptroller aser Auditor General, Vinod Rai dangi India team nungi cricket asaya alisang S Sreesanth-i tang pa cricket temaba jenjang nung asaya alitsü mapang lir, saka küm pezü tashi amajok nung mapang laluogo […]