Dimapur, Aenjeti/January 15 (TYO): Aenjeti/January ita atema ita shia amenba Kiphire District Planning & Development Board (DPDB) senden Aenjeti/January 17, 2019 nü Deputy Commissioner Office Conference hall Kiphire nung 11:00 ako nungi tenzüktsü. Anungji iba senden nung züngsemtem ajak tamakok melidaktsüi arua adentsü asoshi metetdaktsüogo, ta ketdangser sangdong ka ajanga metetdaktsü.
New Delhi, January 14 (Agencies): Assam chief minister Sarbananda Sonowal den Bodo lennirtemi Hombarnü Home Minister Rajnath Singh den ajurutep. Northeast ajungalen Citizenship Amendment Bill anema lungkak aitba onük atema parnoki Rajnath Singh den ajurutep aser idangji pai Assam nunger sobaliba aser oshitem kümzüka ayutsü ta nangzük. Maneni, Manipur Chief Minister N Biren Singh-ia Home […]
Shillong, January 14 (Agencies): BJP-i aniba NDA sorkari Citizenship Bill agizükdaktsütsü atema mapa inyakba mapang ka nung Meghalaya sorkar Deputy Chief Whip Sanbor Shullai-i Prime Minister Narendra Modi nem Bill anema memorandum ka agütsüogo. Meghalaya nung NPP-i aniba Meghalaya Democratic Alliance (MDA) sorkar nung BJP dena lir. MDA sorkari kodanga iba Bill posema menungittsü ta […]
Kohima, January 14 (TYO): Nagaland nungi nisung 373 tashi Uttar Pradesh nung Allahabad Kumbh Mela nung adentsü atema aotsü. January 22 aser 24 tsüngda Naga nunger teshimtet teloki iba benjung nung shilem agitsü. Parnok ya Sanskar Bharati Nagaland (SBN)-i yariri aser Ministry of Culture ajanga senotsü teyari agütsür. Allahabad Kumbh Mela ya January 12 nungi […]
Dimapur, January 14 (TYO): Nagaland Governor, PB Acharya-i Chakhesang nunger dangi Sukrunye benjung salem metetdaktsü. Chakhesang nungertem asoshi Sukrunye benjung ya tongtipang benjung ka lir aser iba ama benjungtem ajanga nisung ka asüngtetshir, ta Governor Acharya-i ashi. Sukrunye benjung mapang nisungtemi Tsüngrem dang pei tanüla moatsütsü aser meshitettsütsü atema sarasademer. Iba benjung ya telongjem adoktsü […]
Dimapur, January 14 (TYO): 132/66/33KV Aolichen Sub-station, Mokokchung nung mapa kar inyaktsü aliba ajanga January 14 nungi 23 tashi Mokokchung Transmission Division kübok district pungu nung mapang shia power supply timtem ajurutsü. Anungji Mokokchung, Tuensang, Mon, Zunheboto aser Longleng District nung electricity consumers-i timtem arema atatsü mepishir, ta Asst. Engineer, Mokokchung Transmission Division-i metetdaktsü.
New Delhi, January 14 (Agencies): Taoba mapang Jawaharlal Nehru University Students’ Union (JNUSU) president Kanhaiya Kumar aser tangartemi linük anema mapa inyak ta asüba ken o ka atema Hombarnü Delhi Police-i okadak parnok dak tai tongloktsüba chargesheet ka benok. Tanü Delhi Police-i benokba tapak 1,200 aliba chargesheet 2016 küm Jawaharlal Nehru University campus nung ayonga […]
Kohima, January 14 (TYO): Nagaland State Services Authority aser Wokha District Legal Services Authority nati senteper District Administration, Government departments, stakeholders aser melungtet ateloktem den yaritepa January 19, 2019 nü local ground, Wokha nung Mega Legal Services Camp ka ayongzükogo, ta ketdangsertem osang ka ajanga metetdaktsü. Iba camp ayongzükba nükjidong ya nüburtem, talisa lokti nung […]
Kohima, January 14 (TYO): January 14, 2019 nü Kohima nung Directorate of Health and Family Welfare indang conference hall nung Polio atema State Level Workshop agiogo aser iba workshop nung state kübok district 11 prongla nungi ketdangsertem aden; iba workshop ya talisa February 3 nü agitsü aliba NID (National Immunization Day) nung rangloker agi, ta […]