Autumn Huddle 2 omen ken sayaogo; October 16-21 nü tashi agitsü

Dimapur, October 15 (TYO): Ao Students’ Union Dimapur (ASTD)-i ‘As One’ omen nung ajemdaker tan October 19-21 nü tashi asayatsü ayongba Autumn Huddle 2 asayamong omen ken ASTD senyur kidang, Noton Bosti nung tanü Brehostibar nü sayaogo.
Tesüiba ASTD Tir aser Nagaland Parliamentary Secretary, Agriculture, Dr. Benjongliba Aier indang PS, Imcha Longkumer-i omen kenji sayaja liasü.
Nungutu kentener, Tiameren Aier-i mejemba omen kenji Tinted Lights Studios-i produce süa lir aser iba ken ya facebook, indihut, youtube aser watsup amala social media nung angutsü.
Aor asayartem temaba saisapongtsü sabang nung ajungkettsütsü nükjidong nung ayongba asayamong lapokba sentong Dimapur kübok State Stadium nung tan October 20 anepdang 8:30 ako nungi tenzüka agitsü aser iba sentong nung Retd. Additional Director, Land Resources Development Department, Mission Director & Team leader NBRM, Govt of Nagaland, Moatoshi Longkumer tongti tesemdanger alitsü.
Iba jakdang, tan October 19 anepdang 6:00 ako nungi tenzüka DC Court Junction nungi tenzüka kilometer 7 marathon asemtsü sentong renema lir aser iba sentong ya Director, Soil & Water Conservation Department, Govt of Nagaland, T. Imkongmar Aier-i tenzüktsütsü.
Dimapur nung alir tetsür aser tebur ajungai iba marathon tetoktepba sentong nung shilem agitettsü aser takok angur nem senpet sen den gift hampers renemja lir.
Tan October ita 21 nü agitsü renemba asayamong shibangba sentong nung Senior Vice President, Nagaland Badminton Association & Executive Council member, Badminton Association of India, Dr. Watizulu tongti tesemdanger alitsü.
Football (Tebur), Volleyball (Tebur & Tetsür), 100m (Tebur & Tetsür), 200m (Tebur & Tetsür), High Jump (Tebur) aser Erli talongtsü shilem küma lemsar asayatsü ayongba asayamong nung yimtsüng 46 aser sub-unit 6 densemba ASTD züngsemtem telok 8 küma lemsar shilem agitsü renema lir.
Tan mezüngsüa co-ownership yimya nung tentetba telok 8 tenüngji Arju Dwellers, Menung Tigers, Milak Rapids, Meinkong Woodlands, Sungkong Bangers, Tzula Warriors, Tenum Flyers aser Tsurang Giants lir.