Auyar aoba gari 3 Kohima police-i angu

Dimapur, June 4 (TYO) : Kohima police-i Peducha check gate nung garitem mita reprangdang Mahindra Pick-Up gari ana apu.
Police-i NCRB database nung reprangdangba sülen gari anaji (NL03A-2503 aser NL03A-2313) apu, ta Sub-Divisional Police Officer (South) & PRO Kohima sangdong ka nung metetdaktsü.
Mahindra Pick-Up (NL03A/2503) ji Assam kübok Namtola Police Station nung samaba ken o benoka lir aser NL03A/2313 gariji Assam kübok Sibsagar nung samaba ken o Sibsagar P.S nung benoka lir. Gari anaprongji registration certificate (smart card) taila nung amshia lia Kohima Police-i apu.
Ano, Kohima police-isa Khuzama check gate nunga garitem mita reprangdang Mahindra Pick-Up gari ka (AS01FC-9254) apu.
Gari indang osang tejangja metettsü atema NCRB database nung reprangdangdang gari indang number ji DTO Kamrup, Assam ajanga Truck gari ka nem lemzüka liasü. Iba dak sendakba nung nisung ana apu aser tenaji Barpeta, Assam nungi Manik Mandal’er jabaso Salam Ali aser Imphal East, Manipur nungi asür Tonsing’er jabaso Dhiren Singh na ta jangjaogo, ta police sangdong nungsa metetdaktsü.