Avermaet-i 1 buba tenem tetoktepba akok

Le Lioran, July 06 (Agencies): Belgium nunger cycle toktepa anishir, Greg van Avermaet-i tang tasayadak Tour de France kübok 1 buba tenem tetoktepba tanü, Bodbar nü kokogo.
Avermaet-i külem Belgium nunger Thomas De Gendt ajangteta mezüng alizüng tonga iba tetoktepba shilem akokba den külemi, overall shilem nunga temaba jenjang ngua, nungtugu yellow jersey asemtsü temeten ngua liasü.
Defending champion, Britain nunger Chris Froome-a tanü alizüng atonger tongti telok rong nung densema liasü.
Arishi küm 31 tain Avermaet-i yaküm agiba Tour de France tetoktepba nunga stage tetoktepba ka akokba osang jangjaogo.
Tanü tetoktepba nung Thomas De Gendt-i 2 buba aser Poland nunger Rafal Majka-i 3 buba jenjang ngua liasü.