Avril Lavigne temang tajungba akümer

London, November 13 (Agencies) : Kentener Avril Lavigne-i mapang talangka Lyme tashidak den rarayonga arur aser doctor temi la tajungba akümer ta metetdaktsüogo.

Ita pungu tejaklen Avril-i Good Morning America nung iba tashidak indang onük jembidang la ajeb, ta Digital Spy-i metetdaktsü.

Tawa tu lai Instagram nung la menürema tangokba noksa ka sayuogo aser aji agi la temang tajungba akümba ajiteter, ta parnokisa ashi.

“Lyme Disease koktettsü meranger. Kü indang Dr. smile anguba atema pelar aser ni kanga tajungba kümogo” ta Avril-i metetdaktsü.

Taküm July ita Avril Lavigne-i kentenba sabang nung Taylor Swift den külemi ken ka aten aser iba mapang lai acting jangraba tebilemba lemsatepa liasü.