Award anguba kija agi nisung ka sempet merasatettsü:Taapsee

Mumbai, November 13, 2016 : Actress Taapsee Pannu-i, nisung ka film nung shilem agiba sempet ji award aika anguba kija agi tangbo merasatettsü, ta ashi.
Taküm atema taoba Honibarnü Lux Golden Rose Awards sentong nung Taapsee-i Rising star sempet angu.
Pink film nung shilem agila Taapsee dang iba sempet anguba atema koma bilemer ta asüngdanga liasü.
“Award tem anguba ajanga nisung ka film nung shilem agiba sempet merasatettsü. Sempet tem anguba ajanga nasa actor tajungtiba mesüra tamajungtiba ta obendang magütsütettsü, ajisüaka sempet anguba ajanga nü den tokteper tangara lir anungji pei inyakba nung amanga aser bendanga inyaktsü tali ajungmesor,” ta langzü.
“Iba amala industry tulu ka nung sempet tajung aketer aika liaka ni meranga inyakba reprangteta tushiba atema jangratema bilemer,” ta laisa ashi.