Award meyipa magütsüi shisa lemsateptsüla: Rajnath

Varanasi, November 01 (Agencies): Tanü Union Home minister, Rajnath Singh-i kaket keno zülurtem, shisashirtem aser maparen balala nung mongintem dang Akademi aser National awards meyipa magütsüi shisa lemsatepdaktsüner, ta mepishiogo.
Deobar nü Varanasi nung Akhil Bhartiya Vidwat Parishad sentong nung osangbenertem dena mapang tatsüka jembidang Rajnath-i, linük nung lokti tsüngda akhümtsübutep aser taremzüktep maliba tai tonglokja kaket zülurtem aser mongintemi award meyipa agütsüba timba akümba ya tia maka, ta ashi.
Dadri nung Muslim nunger ka tepsetba aser kaketzülur MM Kalburgi tepsetba ken o dak sentakba nung Rajnath-i, item ken o ya state sorkar kübok ozüng benokba onük lir, ta ashi.
“Item onüktem nung kodaser Ato kilonser aitsür. Item tatalokba atema kechiba Union sorkar nem kuli agütsür’ar ibaji angatettsü kanga tasak,” ta paisa ashi.
Item onüktem nung o lemteptsü atema Ato kilonseri kaket keno zülurtem aser mongintem jaokogo. Award meyipa magütsüi lokti nung akhümtsübutep aser taremzüktep melira parnoki item kuliji metetdakja shisa agütsütsüla, kechiyong sorkari ibaji süoki ia agizüktsü mulunga lir, ta Rajnath-isa shisem.