Axelsen aser Tai Tzu nati All England kokogo

Metsüremi/March 16, 2020 (Agencies): Deobarnü All England Championship final asaya nung Denmark nunger asayar Viktor Axelsen-i tebur kija asaya aser Chinese Taipei tsür Tai Tzu Ying-i tetsür kija asaya kokogo.
Second-seeded Axelsen-i final asaya nung Chinese Taipei nunger top seed asayar Chou Tien-chen 21-13 21-14 agi koka liasü. Final asaya Axelsen-i amokbanger asayaogo. aser pai tang mezüngbuba iba asayamung koktetogo.
Tetsür kija asaya nung world no 1 Tai Tzu tang agi pezübenbuba All England final atonga asayaogo aser lai top-seeded China tsür Chen Yu Fei 21-19 21-15 agi koka iba asyamung asembenbuba koktetogo.
Badminton World Federation-i (BWF) World Tour aser sanctioned tournaments tem ajak thitsüogo aser taküm mezüngbuba Super 1000 World Tour ya tatembang sülen tanga asayamungtem masayaai atatsü.
Alima ajunga nung COVID-19 tashidak kanga kara prokshia aoba tebilemtsü kaa Badminton World Federation-i parnok indang asayamung ajak thinena atatsü asoshi telemtetba agia liasü.
Tetsür tarep asaya nung Japan tsür Yuki Fukushima aser Sayaka Hirota nati 21-13 21-15 agi China tsür Du Yue aser Li Yin Hui na kokogo aser tarep temeyoktep asaya nung Indonesia nunger tarep Praveen Jordan aser Melati Daeva Oktavianti nati Thailand nunger tarep Dechapol Puavaranukroh aser Sapsiree Taerattanachai na 21-15 17-21 21-8 agi kokogo.