Axl Rose dak matsüngba sasar : Bruce Dickinson

Bruce Dickinson-Axl RoseSeptember 08, 2015: 1988 küm Quebec, Canada nung Iron Maiden-i concert agütsüdang Guns N’ Roses telok nung ken atensang, Axl Rose-i parnok sapurtem dang o mashi ashiba atema matsüngba tang tashi sasar, ta Bruce Dickinson-i ashi.

Britain nunger heavy metal kentener telok, Iron Maiden-i Quebec nung aliba Coliseum tesem nung kenten sentong agidang Guns & Roses teloki sentong lapoka ken atenba mapang Axl Rose-i sabang nungi parnok kanga luja liasü saka parnoki France nunger oshi mangatetba ajanga iba mapang pai kechisa ashiar tesülen ang meteta aru.

“Ni iba mapangjisa sabangi tua tsünger lila. Kodaser pai onok sapurtem den yamaji jembir? Ni iba mapang pa dak matsüngba asoshi dang tashi sasar,” ta Bruce Dickinson-i Le Journal de Montreal den jembiba mapang ashi.

You must be logged in to post a comment Login