New Delhi, January 22, 2016 : India nung taoba küm 17 tashi temesüng oshi nung sentongtem sayuba, AXN channel reprangertemi jangraba dak ajemdaker taruba Deobarnü nungi melenshitsü.
English Entertainment, Sony Pictures Networks India nung executive vice president aser business tekolakba, Saurabh Yagnik-i, “Iba brand ya tajungba küma yanglushitsü mapang tongogo. Nüburtemi aginüba ama tereprangtsü junga melenshitsü mapang agi bener arutsüogo,” ta ashi.
“Noksa kija reprangbaji masü saka temulungjang aser shisatsü ajak tzüratema iba channel reprangtsü atema onoki alima rangben nung LIVE R.E.D ajanga atsütepa yanglushitsü,” ta pai ashi.
Iba channel tesendaktep ajak aser tereprangertem ajangzükba ajakji AXN brand meyong ‘LIVE R.E.D’ ajanga alitsü.
AXN logo melentsü aser sentsü temerem kanga bulua amshitsü.
Tan melenshiba brand ajanga iba channel tali akhüm ketdangtsütsü aser channel nung yokba video aser sentong balala asangsang den sendaktepa akümtsü.
Iba temelenshi ya Deobarnü Damian Lewis-i shilem agiba “Billions Season 1” otsü sayuba mapang nungi angutsü.
You must be logged in to post a comment Login