Ayip majangba

Tain kati aonung ghonda tenet nungi tekubosa mejangtsü nüngdaker, aji oda süaka ayip majangba ajanga pei temangi nüngdakba ama mapang peria memejangteter.
Ayip majangba ajanga anüngdang pei mapa temulung süa meinyaktetba den külemi temang nunga timtem tapu balala adokdaktsür.
Ayip-janga mejangtsü asoshi lenmang kar:
1. Na mejangba takdang melenshia mejangdangang.
2. Mejangba takdang nung TV mayutsüla, iba den külemi yipten anasa chiyungtsü aser phone meyui mejangdangang.
3. Anüngdang coffee aser süngo marok ana dak tali majemtsüla, kechiyong coffee aser süngo nung keta aliba ‘caffeine’ ajanga tekolok yakyaka/akasoa kümdaktsür anungji nikongdang nungibo ‘caffeine’ aketba majemtsüla.
4. Aonung shia yipdeni aiba aser saakba mapang telatet ka ayutsüla.
5. Aonung mejangtsü ghonda ana shi lia tzü talem agi tzü tsükotsüla.
6. Na mejangtsü minute 30 shi lia ninang mochitzü mesüra shini keta aliba chiyungtsü achiba ajanga na ayipjanga mejangba nung yarisemtsü.
7. Ayip janga mejangtsü asoshi mejangtsü lia mamatzü marok ka ajembaji akhi mapang nungi benshia aruba taneptsü lenmang ka lir. Nai-a tendangang.
Ayip majangba asoshi sayatenya taneptsü ka mali, aji oda süaka temalen agüja alibatemji ajanga nü timtem nung yarisemtsüa akok.
Source : Internet