AYO-i Angami nunger MLA tem ajak anentsü akhanger

Dimapur, February 6 (TYO) : Asüng Nagaland nung Naga tribal Hohotem ajak senden amentsü lia Angami Youth Organization-i Angami Public Organization tetuyuba kübok Angami nunger MLA tem ajak sorkar nung anentsü tayongzükba agütsür, ta AYO Media Cell sangdong ka nung metetdaktsüogo.
AYO-i timi dang MLA tem iba tayongzükba agütsür, saka telangzüba tajung mengura AYO-i tashi amshia mapa inyaktsüsa akümtsü aser iba tebilemtsü khuretji sendaka aliba kija aser MLA temi abentsü, ta AYO-isa sangdong nung shia lir.
“Sorkari Kohima jila nung 144 CRPC ozüng agüja aliba agientsü takhangba agütsür. Iba ozüng ajanga sepai aika mapa lemzükja lir aser raradak tesem ka ama kümogo aser iba ajanga public tetsübu tia ka nung lidaktsür. Anungji, sorkari curfew ozüng agientsüla aser curfew ozüng agüja aliba tesemtem nung lendong kar danga atalokra, iba tebilemtsü sorkari abentsü” ta AYO Media Cell sangdong nungsa metetdaktsüogo.
“Kohima nung alir senso ajaki sorkar anema lungkak aitba sayutsü atema nenok kidang mesüra garitem mesüra yimya mashii ka nung wako tanak mesüra badge tanak amshitsü mepishir,” ta AYO-isa sangdong nung shia lir.
AYO Media Cell
Kohima kübok mokdangba nung tsünglanglen agüja alirtem agiener.
1. All Educational Institution including Private and Government Schools/Colleges.
2. District Administration, Police Stations, def, paramilitary
3. Fire and Emergency Services
4. All Banks
5. BSNL/Telecom and Postal Service.
6. Nagaland State Transport (NST) Bus & Stations.
7. Power Sub- Stations.
8. Sanitary workers/Sanitary trucks.
9. Nagaland Public Services Commission (NPSC)
10. Nagaland Board of School Education (NBSE)
11. Hospitals, Primary Health Centres, Sub-centres/CHC and Dispensaries.
12. Hotels / Eateries.
13. Business Community
14. Private Vehicles
15. Pedestrians
16. Gas Agency
17. Press & Media
18. Accountant General

Tenokdangba agüja aliba:
1. All Government vehicles including Government undertaken project Vehicles.
2. NAP/IRB.
3. Government Offices.