AYO-i ASU madak takok angu

Kohima, Mongputeni/October 9 (TYO): NSF Martyrs’ Memorial Trophy nung shilem ka ama Angami Youth Organisation (AYO) aser Angami Students’ Union (ASU) na tsüngda Bodhbarnü exhibition match asayaba AYO-i kokogo.
Asaya nung AYO pur atema mezüngbuba goal Keyhoviu-i minute 27buba nung idaktsü aser iba sülen Metekhrielie Mejura-i minute 32buba nung tanabuba goal idaktsü, saka asaya mezüngbuba shilem matem tsüngda Kholie Khate-i minute 37buba nung ASU atema mezüngbuba goal idaktsü aser paisa minute 69buba nung tanabuba goal idakja goal kasasa aküm.
Ajisüaka ASU pur atema tezüdangtsüka Petekhrietuo Kiewhuo-i par goal nung goal ka idakja AYO pur tejakdang aküm. Iba sülem AYO pur atema maneni Seyie-i minute 78buba nung goal pezübuba idakja parnoki asaya akok.
Taoba AYO tir Mhiesizokho Zinyü, asaya nung mejeta jaoker ama aru shilem agi.
Kasa mapang nung “Goal for Peace” omen nung ajemdaker Angami Students’ Union-i ayongzükba NSF Martyrs’ Memorial Trophy quarter final October 10 nü nungi tenzüktsü.
Quarter final-i ia aliba team tem rongnung Centurion FC Kohima Village, Chumu Town Youth Organisation, Naga Hospital Colony Youth Organisation, MTYO Medziphema, Kohima Village Students’ Union, Viswemi FC, Unity FC aser Meriema Village Youth Organisation densema lir.
Mezüngbuba quarter final asaya nung defending champions Centurion FC Kohima Village aser Chumu Town Youth Organisation na asayatsü.