AYO-i four lane lenmang tekaratiba nung yanglutsü akhanger

Dimapur, Mongputeni (October) 10 (TYO): Angami Youth Organisation (AYO)-i four lane road (Nagaland Sector) mapa inyakba contractor tem dang mapa tekaraba nung inyaktsü metetdaktsüogo.
Asian Highway-1 (National Highway 29 Kohima – Dimapur) kübok four-lane road (Nagaland Sector) mapa inyakba contractor temi temulung magütsüba aser tebilemtsü mabenba atema onok mepelar, ta AYO-i ashi.
Nagaland nung gari lenmang yanglutsü mapang tajungji ita trok shi ka dang lir aser iba sülenbo tzüngluruwa arur. Tang gari lenmang yangluba mapa kanga dang meilungi inyaker aser iba ajanga contractor temi aser mapa inyakertemi temulung magütsüba sayur, ta parnokisa ashi.
Public-i akokba tashi iba mapa nung yaritepa arur aser mapang lateta aliba tsüngda lenmang yangluzüktsü ta mapa inyakba teloktem dak temulung alemer.
NHIDCI, executive director-i 2019 tatemlen tashi nung iba mapa tembangtsü ta nangzük aser iba atema contractor tem dang osang tejangja metetdaktsüogo ta paisa metetdaktsüogo. Ajisüaka, tang mapa inyakba reprangdangra pai ashiba mapang nung gari lenmang yangluzüktsü ta asübaji temenünütsüka lir. Anungji, mapa inyaktsü lemzüka alirtemi pei tajungtiba agüja iba mapa inyaktsü takhangba agütsür, ta AYO-i metetdaktsü.

You must be logged in to post a comment Login