AYO-i Vihoshe mangyimer

Kohima, Feb. 16 (TYO): Sr. Superintendent of Police Kohima, Joseph Hesso tebu, Vihoshe Hesso, (Rtd Engineer PWD) anojungi February 15, 2017 nü asüba osang angashia jashir, ta tanü Angami Youth Organization (AYO)-i sangdong ka ajanga metetdaktsü.
Asür, Vihoshe Hesso ya tindang nisung ka, tenendak aser lokti ajungtsü atema inyakba lenir ka liasü. Pa dak aketba sempet tajungtemji tanü par jabaso Joseph dak angur, ta AYO-isa ashi.
“Pa asüba ajanga Sumi nunger aser Naga nunger lenir tajung ka makai kümogo. AYO-i mangyimer kibong aser kinungertem den mangyim lemsateper aser iba ama mangyim mapang nung ajak Takoksangi parnok nem tesünep agüjang ta sarasademtsür. Pa tanela tesünep nung anisüngzükang,” ta kasa sangdong ajanga lemsatep.