AYO jubilee tembangba sentong nung Dr. Vilhusa-i lanurtem ayongzük

Kohima, November 6 (TYO) : Honibarnü Angami Public Organisation (APO) president, Dr. Vilhusa Seleyi-i Angami nunger lanurtem dang tarutsü putu jenjang tajungba kümdaktsütsü asoshi inyakba mapa nung lenirtem asütsü ayongzük.
Kigwema yimtsüng nung Angami Youth Organisation (AYO) 25 buba jubilee mung shibangba sentong nung jembidang Seleyi-i AYO lennirtem dang tanü aliba khurettem koktettsü asoshi pei pei sasep nung lenisüba mapa inyaktsü ajungmeso.
Paisa, AYO dang pei anasa aliba kidangertem den tesentaktep tajung ayutsü aser ajungkettsü atema shisem.
“Naga nunger tsüngda, talisa kidangsüa aliba kintem den telongjem ajungkettsü atema AYO lennirtemi merangtsüla,” ta  APO president-isa ayongzük.
Iba sentong nung 2016-2019 kümsük atema Angami Youth Organisation (AYO) executive council tasen ka shim. Parnokji yamai lir- Neinguvotuo Krose (president), Kevichatha Sechü & Peter Rutsa (vice presidents), Kekhrie Pfükha (general secretary), James Kul & Zakikul Temi (joint secretaries), Metekhrielie Mejura (treasurer), Kevilhousa Kense (finance secretary), Petevito Nakhro (public relation secretary), Mhiesirieto Punyü (environment secretary), Ketholelie Sogotsu (social culture secretary), Rokoketou Sechü (press secretary), Khisanol Viswentso (property secretary),  Avino Kirha (women welfare secretary), Roko Angami (auditor general) aser Medo Yhokha (advisor).
AYO jubilee ananübuba nung Chakhroma Youth Organisation (CYO), Northern Angami Youth Organisation NAYO), Southern Angami Youth Organisation (SAYO) aser Western Angami Youth Organisation nungertemi sobaliba tetoktepba nung shilem agi.