Ayodhya ken o toktepba anenogo

New Delhi, October 16 (Agencies): Supreme Court nung anogo 40 tashi Ayodhya onük jembiba angadanga aruba Bodbar nikongtsütsü tembangogo.
Chief Justice of India Ranjan Gogoi-i tanü 5:00 ako tashi nung iba ken o atema o toktep tembangtsü atema mapang latetja liasü.
Hindu aser Muslim teloktem tsüngda o toktep angaba sülen Supreme Court-i obendang magütsüi lir.
SC-i telok anaprong dang anogo asem tsüngda tezüluba nung parnok tebilembatem agütsütsü atema tanü mapa latettsüogo.
CJI Ranjan Gogoi ya taküm November 17 nü mapa nungi sodi angutsü aser ibaji matongdang Ram Janmabhoomi-Babri Masjid ken o atema obendang ka agütsütsü imlar.
Tan hopta tetenzüklen Ayodhya district administration-i December 10 tashi ashishitep aliba temeket nung Section 144 alitsü ozüng agütsüogo.