Ayonika-i Olympics nung shilem agitsü jenjang angu

New Delhi, January 29 (Agencies): India’er tetsür prangpong toktepa kashishir, Ayonika Paul-i Asia Olympic Qualifying Competition nung silver medal agizüka taküm Brazil nung asayatsü ayongba Rio Olympic Games nung shilem agitsü jenjang nguogo.
Taoba Commonwealth Games silver medallist, Ayonika-i tetsür 10m air rifle tetoktepba final nung ajak agi points 205.9 ngua silver medal-ji agizük.
Kasa shilem nung Iran tsür, Najmeh Khedmati-i temaba jenjang ngua gold medal agizüka liasü.
Arishi küm 23 tain Ayonika-i tan Rio Olympics nung shilem agitsü jenjang anguba sülen la India tenüng nung Rio Olympics nung shilem agitsü jenjang angur asayar 11 buba kümogo.