Azad-i party nung Priyanka nem tongtibang shilem agidaktsüner

New Delhi, June 19 (Agencies): Uttar Pradesh nung sangküm Assembly election agitsü lia state Congress nung temelenshi kar alitsü, kechiyong Congress General Secretary, Ghulam Nabi Azad-i iba dak sentakba olen jembiogo.
Assembly election agitsü lia Nirmal Khatri-i aniba Uttar Pradesh Congress Committee nung temelenshi adoktsü asü, ta osangbenertemi asüngdangba langzüdang Azad-i, “Temelenshiji mapangshia adoker,” ta ashi.
Ano tasüngdangba ka langzüdang Azad-i, Amethi aser Rae Bareli parliamentary constituency na dak alia Prinyanka Gandhi-i tanga constituency tem nunga nübo yimtsütsüla, ta ashi. Tang tashi nung Priyanka-i Rahul aser Sonia Gandhi na adokba constituency, Amethi aser Rae Bareli na nung dang nübo yimtsüdar.