Aziz Ansari-i Saturday Night Live sentong lenitsü

Washington, January 12 (Agencies): India nunger America lisopur asayamenür Aziz Ansari-i January 21, 2017 nü Saturday Night Live (SNL) sentong lenir asütsü. Pa ya South Asia nungi jakzükba America nung alir rongnungi iba sentong lenir mezüngbuba asütsü.
Asia nungi Jackie Chan aser Lucy Liu nati dang küm 15 tejakdang iba sentong nung shilem agia lir (iba nung Armisen aser Bruno Mars kechiyong tena temeyokteb kin nungi lir) ta Mongulbarnü news portal American Bazaar ajanga osang agütsü.
Yaküm pai nomination 4 sülen mezüngbuba Emmy award Netflix series “Master of None” nung shilem agiba atema angu.
Pa ya India, American lisopur rongnungi comedy series nung mezüng tongti actor atema tenüngteta agütsüba (nominate) liasü.
Pa Columbia, South Carolina nung Tamil Muslim kibong ka nung aso. Pai pa mapa stand-up comedy ka ama tenzük. Pa tetsü Fatima mozü ayokba doken ka nung inyaker, aser tebu Shoukath ya gastroenterologist ka lir. Ansari New York University Stern School of Business nungi marketing nung major agia graduate asü.
2007 küm pa MTV indang comedy series Human Giant nung pai tongti shilem agi, iba dak alaka ano Funny People, I Love You, Man, Observe and Report, aser 30 Minutes or Less film tem nung shilem agi.