Azo 45 buba TYA Meet nung tongti tesemdanger alitsü

Kohima, December 13 (TYO): Phek district kübok Thiivopisu yimtsüng nung 45 buba Thiivopisiimi Youth Association (TYA) Meet cum Youth Brigade cum Sadars Joint Meet tan December ita 14-19 nü tashi agitsü asoshi ayongogo.
Iba asayamong sentong nung Nagaland MLA, Kuzholiizo (Azo) Nienu tongti tesemdanger alitsü.
Tan December ita 15 nikongtsütsü 5:00 ako nungi tenzüka metetpelatsü mapang agitsü aser iba sentong nung Chekwiingo Puro onük jembir alitsü.
Tasüng, December ita 15 anepdang 8:30 ako nungi tenzüka agitsü renemba asayamong lapokba sentong nung Azo-i tongti tesemdanger ama shilem agitsü.
Ano, tan December ita 19 nikongtsütsü 2:00 ako nungi tenzüka agitsü renemba sempet agütsüba sentong nung Razouvolie Dozo, Project Director, DRDA Phek tetushi tejaoker alitsü.